Wazzup, Wazzup mga kabarkada! Nais naming magpasalamat sa lahat ng taong nanood, nakigulo at nakikain sa aming Season Four Special kahapon sa Market, Market The Fort Global City! Naging matagumpay ang pagbubukas ng Wazzup, Wazzup: Extra Strong dahil sa inyo!

Maraming salamat siyempre sa mga panauhing pandangal naming sina Sen. Pia Cayetano at kanyang pamilya, sa mga TadJock na sina JC Cuadrado, Mitch Hernandez, Charles Lejano at Bidz, at sa mga paaralang lumahok sa Wazzup with You Cheerdance Edition: ang Adamson University at Trinity College.

Maraming salamat rin sa mga mag-aaral mula sa iba't ibang unibersidad at kolehiyo na naging bahagi ng aming live audience kahapon. Ayoko na pong banggitin nang isa-isa ang pangalan ng inyong mga paaralan dahil baka may makalimutan ako (saka na lang pag may kumpletong listahan po ako!) at magkatampuhan pa tayo rito.

Siyempre, maraming salamat rin sa aming host venue kagabi, ang Market, Market sa The Fort Global City, at sa mga food sponsor namin, ang Ritz Apple Strudels, Mantou Bread at Zagu Pearl Shakes!

At sa lahat ng mga hindi nakadalo ngunit matiyagang nanood sa kanilang mga tahanan, maraming maraming salamat po sa patuloy niyong pagsuporta! Ang inyong pagiging mga pasaway at makukulit na manonood ng aming programa ay naging daan para magkaroon kami ng ika-apat na season!

Mabuhay kayo! Mabuhay tayong lahat!!!

Wazzup, Wazzup: Extra Strong! Tkss. Tkss.